Mga flower vendors sa Bacolod, may maayo nga benta kadungan sang Mother’s Day kahapon

Naubos ang bulak nga ginabaligya sa flower shop sa dalan Lacson kadungan sang selebrasyon sang Mother’s Day kahapon.

Sa interview sang Bombo Radyo Bacolod kay Shiela, seller sang bulak, Mayo 10 pa lang nag-umpisa na sila sa pagbaligya sang bulak kag madamo naman sila sang nahimo nga pre-orders.

Magluwas sa pre-orders madamo man sang nagbakal sa ila stores.

Ginpanubuan naman nila kahapon ang presyo sang bulak ilabi na sang nakita nga diutay nalang kag ginapaubos nalang nila ini.

May yara sang bulak nga ginbaligya nalang sa P500 agud nga maubos.

Nanotisyaran naman nga mas madamo ang nagbakal sang bulak para sa Mother’s Day kun ipaanggid sa Valentines Day.