Gina-imbestigahan sa karun sang kapulisan ang mga testimonies sang mga anay pastorals sang Kingdom of Jesus Christ (KOJC) nga nagpabutyag nga may yara na sang nagkalamatay bangud sa ginaalegar “angels of death” sang nasambit sang sekta.
Wala naman naghatag sang dugang nga detalye si Colonel Hansel Marantan, hepe sang Davao City Police Station, magluwas lamang nga ang mga istorya natuhoy sa pagpamatay ang natabo sa testimony sang lima ka mga biktima nga nagpangayo sang bulig sa kapulisan agud makuha ang hustisya sa kun anuman ang natabo sa ila sa kamot ni Quiboloy sang minors pa ang mga ini.
Suno kay Marantan, ginapreparahan nila nga magpasaka sang dugang nga kaso batok kay Quiboloy sa korte matapos ang bag-o nga testimonies.
Suno sa iya, ang mga biktima ang naga-edad sang 13 tubtob 15-anyos sang sila ang gin-alegar gin-abuso ni Quiboloy.
Kalabanan ang nagikan sa broken families kag bangud luyag nila nga maka-eskwela, nagpangayo ang mga ini sang bulig sa Children’s Joy Foundation nga nagahatag sang libre nga edukasyon sa mga kabataan.
