Ginpahanumdom sang Bacolod City Legal Office nga likawan ang pagdala sang mga ginadumilian nga mga butang kag buluhaton sa pagpadulong sa mga patyo.
Suno kay Bacolod City Legal Officer Atty Romeo Carlos Ting Jr., ginadumilian ang pagdala sang makahulubog nga ilimnon, mga patalom, armas-luthang, speaker, kag ginabawalan man ang pagpanahor kag pagdala sang kasapatan.
Suno diri, wala ginapahanugotan ang pagbaligya sang makahulubog nga ilimnon sa sulod ukon sa gwa man sang public ukon private cemetery.
May yara man sang isa ka private cemetery ang nagpabutyag nga nabudlayan sa pagsulod sa patyo ang mga magabisita bangod sa mga nagabaligya sang bulak kag kandila nga nagaplastar sa gwa.
Suno kay Ting, kaupod sang City Legal Office ang Bacolod City Police Office kag Public Order and Safety Office (POSO) sa pagtsekyar kag pagpanaway sa mga wala nagasunod sa layi.
