76 tanan ka mga barangay gikan sa 15 ka mga banwa kag ciudad sa probinsya sang Negros Occidental ang naapektohan bangod sa hangin habagat nga ginpabaskog sang Tropical Storm Bebinca, as of 6:00 pm, kagab-i.
Santo sa record sang Provincial Disasater Risk Reduction and Management Council, 13,780 tanan ka pamilya ukon 41,319 ka mga indibidwal ang apektado kag 1,985 ka pamilya ukon 6,544 ka mga indibidwal ang narekord nga yara sa evacuation centers.
72 naman ka mga balay ang nadamaged kun sa diin tatlo diri ang totally damaged samtang 69 naman ang partially damaged.
Ginsuspendi naman ang klase sa 26 ka mga Local Government Units, kasubong man nga may tatlo ka byahe sa dagat ang ginkansela.
Samtang, nagdangat naman sa P7,390,214 ang balor sang halit sa humay, mais kag mga pananum sa 11 ka LGU’s; P398,112 ang balor sang halit sa fisheries sa tatlo ka LGU’s; kag P233,971 ang balor sang halit sa livestock sa lima ka LGU.
