Nakig-angot na sa Talisay City Police Station ang mga ginikanan sang lapsag nga ginbilin sa stepboard sang traditional jeepney sa Barangay Zone 8, Talisay City, Negros Occidental sang Hunyo 8.
Sa interview sang Bombo Radyo Bacolod kay Police Major Rhazl Jim Jocson, Deputy Chief of Police sang Talisay City Police Station, nakumpirmar nga ang duha nga may dala nga bata nga makita sa CCTV footage ang ginikanan sang lapsag nga nagbilin sini sa stepboard sang depasahero nga jeep.
Suno kay Jocson, ang pagpost sa social media ang nakahatag sang dako agud madasig nga natumod ang duha.
Ang tatay sang lapsag ang indi man makatulog gani nagpanugid sa iya Lola gani gin-updan ini agud nga makig-angot sa police station.
Luyag man sang duha nga kuhaon ang bata kag atubangon man ang konsekwensya sang ila nga ginhimo.
Ang mga bata ang nagaedad sang 20 anyos.
Suno sa panaysayon man sang duha nga ang babayi ang masami nga nagasuksok sang halog nga bayo agud nga indi mabal an nga nagabusong.
Ginahulat na lang sang Talisay City Police Station kun ano ang desisyon sang Talisay City Social Welfare and Development Office kag Talisay City Legal Office sang banwa kun may yara sang nagakaigo nga kaso nga atubangon ang duha.
