Ginpahayag sang Talisay City Police Station nga ipaidalom pa sa counseling ang mga ginikanan nga nagbilin sang lapsag sa jeep sa Talisay City agud matumod kun sila ang makasarang nga mag-atipan sang lapsag.
Sa interview sang Bombo Radyo Bacolod kay Police Major Rhazl Jim Jocson, deputy chief of Police sang Talisay City Police Station, ginapakamaayo nila nga bangod sa pagpost sa social media sang video footage sang mga ginikanan, ang duha ang personal na nga nagpalapit sa kapulisan kaupod ang ila mga pamilya.
Nakuhaan na nila sang detalye ang duha, kag sila ang ginforward na sa Talisay City Social Welfare Development Office para sa counseling.
Ang mga ginikanan ang natumod nga 20 anyos pasaka kag lunsay out of school youth.
Pahayag sang mga ini nga ginbilin nila sa jeep ang lapsag bangod sila ang indi pa handa sa responsibilidad ilabi na nga wala nakahibalo ang ila mga ginikanan.
Suno kay Jocson, ang maathag lamang nga sarang mabalik sa mga ginkanan ang lapsag kun makita sa counseling nga sila ang handa na sa pag-atipan sang bata.
Wala naman nadiskusyunan kun may ipasaka nga kaso sa duha, kag ini ang magadepende na sa desisyon sang Talisay City Legal Office kag Talisay CSWDO.
