Nangin madinalag-on ang ginpatigayon nga mock elections sang Commission on Elections sang Sabado kag ginpahayag nga ang transmission sang stimulated votes ang yara sa 100 percent.
Ang mock elections sang Sabado ang natabo antes magpadayon ang pagprint sang balota sang poll body, nga natalana sa Lunes, Enero 27, matapos ang delays bangud sa restraining orders nga ginpasa sang Korte Suprema.
Suno kay Comelec chair George Garcia, natapos na ang mock elections nagikan sa precincts padulong sa municipal/city canvassing centers, central server, [Parish Pastoral Council for Responsible Voting] kag [National Movement for Free Elections] servers, media server, majority and minority [political] party servers kag central kag back-up server.
Suno diri, ang transmission sang results nagikan sa municipal board of canvassers padulong sa ila provincial counterparts kag sa National Board of Canvassers ang 100 percent man.
