Nagpanugyan ang city director sang Bacolod City Police Office sa mga gwardiya sang mga establishnments nga mangin alerto sa tanan nga tion.
Ini kasunod sang attempt nga pagbuho sang salog sang isa ka supermarket sa Barangay Sum-AG, ciudad sang Bacolod.
Sa interview sang Bombo Radyo Bacolod kay Police Col. Joeresty Coronica, wala pa sang lead ang Bacolod City Police Office sa identity sang mga nagbuho sa salog sang supermarket apang gin-instructionan na sini ang City Investigation and Detective Management Unit nga itsek sa iban nga lugar kun may yara sang nadakpan nga naghimo sang kaangay nga krimen.
Suno kay Coronica, ginaproseso sa karun sang Scene of the Crime Operation (SOCO) ang mga narecover nga mga gamit kag basi makakuha sang fingerprints nga posible mamatch.
Ginapagiho man ang intel sang sang BCPO agud nga monitoron kun may yara sang paggiho ang mga pangayaw nga may connection sa mga residente sang ciudad sang Bacolod.
Ini bangud sila ang nagapati nga kun pangayaw may yara gid sang nagakomodar nga local.
Indi man makumpirmar ni Coronica kun pila ang numero apang imposible man nga mahimo ang krimen sang isa lamang ka tawo.
Ginalantaw nga kun nakasulod ang mga ini kag wala gwardiya, indi lang atm machine ang punteryahon sang mga ini kundi mahimo man ang grocery store.
Panugyan sini sa mga gwardiya nga mangin alerto sa tanan nga oras ilabi na kun nagaulan bangud ang gahod ang indi mabatian.
Ginalantaw man nga mahimo nga nagaumpisa naman ang mga modos nga kaangay sini bangud tigpiligado naman kag madamo sang tawo ang wala sang income.
