Pila ka mga high powered firearms ang narecover sang 94th Infantry Battalion sang Philippine Army sa engkwentro batok sa mga katapo sang New People’s Army sa Baranga Tan-awan, Kabankalan City sang Huwebes.
Sa interview sang Bombo Radyo kay Army Major Cenon Pancito III, tagpamaba sang 3rd Infantry Division sang Philippine Army, nagapatigayon sang combat operations ang mga katapo sang 94th IB sang nagluntad ang engkwentro nga nagdugay sa sulod sang 30 ka minutos batok sa 20 ka mga armado nga miyembro sang makawala nga grupo.
Suno diri, ila natukiban ang kampo sang mga NPA sa lugar nga sarang matiniran sang 20 tubtob 30 ka mga persona.
Pagkatapos sang pagbayluhanay sang lupok, naglapnaag ang mga rebelde.
Nagapati ini nga may yara sang casualties sa mga NPA bangud sa nagkalabilin sang mga ini nga high powered firearms kag m.16 rifle apang wala man sang may nadiskubrehan nga bangkay.
Nakuha man sa lugar ang mga magazines nga may mga ammunitions, electric wires, battery sheets kag mga manuals nga ginagamit sa pagtrain sang mga ini.
May isa naman ka suldado nga naigo sa nawala nga hita apang gilayon man ini nga gindapatan sang pagbulong.
