Mga himata sang ‘missing sabungeros,’ nagapanawagan nga suguran na ang diving operations sa Taal Lake sa pagpangita sa mga biktima

Nagaapelar ang pamilya kag mga himata sang ‘missing sabungeros’ nga suguran na ang pagpatigayon sang diving operations sa Taal Lake agud pangitaon ang mga ini.

Ini matapos ginbuyagyag sang isa ka testigo nga ang mga bangkay sang missing sabungeros ang ginlubong sa nasambit nga lake.

Suno kay Aurelio, tiyo sang 14-anyos kag 17-anyos nga sabungero nga nadula sang 2021, kuntani suguran na sang mga divers ang pagsalom sang lake.

Nagpanawagan man ini sa Department of Justice nga protektahan ang nasambit nga lugar kasubong man ang mga testigo nga nagahatag sang impormasyon.

Nag-apelar man ini sa female celebrity nga imbolbado sa insidente nga magkooperar sa otoridad agud mahatagan sang hustisya ang mga biktima.