Isa ka grupo ang nagapatigayon sang donation drive sa mga merkado sa ciudad sang Bacolod sa mga produkto nga indi na mabaligya, apang sarang pa nga makaon partikular sa mga utanon.
Suno kay Bacolod City Administrator Atty Mark Steven Mayo, nagkoordinar ang SAGUP NEGROS sa mga mayor nga merkado.
Ang inisyatibo ang ginakalipay man sang mga market vendors bangod madamo sa ila ang madugay naman nga luyag nga makabulig.
May gintalana lamang nga lugar kun sa diin ibutang sang mga vendors ang mga produkto nga indi na mabaligya sa maginansyahan nga presyo kaangay sang mga naglayong na nga utan, apang sarang pa nga maluto.
Sa pihak sini, madamo sang mga vendors nga nagadonar sang mga preska pa nga produkto, kag sang damlag lang, may nagdonar pa sang isa ka tray nga maayo pa nga itlog.
Ang SAGUP NEGROS ang may community pantry malapit sa Bacolod City National High School, kun sa diin nila ginaluto ang mga produkto.
Iban sini ang ila man nga ginabaligya para sa pagbakal sang dugang nga mga panakot kag galamiton sa pagluto, samtang ang kadam-an ang ila nga ginahatag nga lKun kis-a ini ang ginadonar man sa mga organisasyon kag orphanage.
