Nakaapekto ang pila ka mga issues nga nagapalibot kay Vice President Sara Duterte sa pagnubo sang ratings sini sa recent Pulse Asia Research Survey.
Suno sa survey nga ginpatigayon humalin Nobyembre 26 tubtob Disyembre 3, 2024, nawad-an si Duterte sang 12 ka puntos sa iya trust ratings humalin 61 percent sang Setyembre bangud ini ang 49 percent na lamang sang Nobyembre.
Nadulaan ini sang 10 points sa iya approval rating humalin 60 percent sang Setyembre tubtob 50 percent sang Nobyembre.
Sa apat ka pinakamataas nga opisyales sa pungsod nga ginalakipan sang Presidente, Bise-Presidente, Senate President kag Speaker of the House, si Duterte ang may pinakadako nga pagnubo.
Suno kay Pulse Asia President Dr. Ronald Holmes, ang makapila ka beses nga pagpanginwala ni Duterte sang mga akusasyon batok sa iya ang wala nakabulig.
