Ginaengganyo ni Finance Secretary Ralph Recto ang mga Japanese investor nga mag-invest sa Pilipinas.
Ginsiguro sini sa mga investor nga ginapabaskog sang Corporate Recovery and Tax Incentives for Enterprises to Maximize Opportunities for Reinvigorating the Economy (CREATE MORE) subong man ang fiscal kag non-fiscal incentives samtang ginahatagan sang solusyon ang mga nagapanguna nga ginakahangaw-an sang Japanese investors.
Ang CREATE MORE, ang improved version sang CREATE law nga nagapasanyog sa fiscal kag non-fiscal incentives, nagaathag sang mga polisa, nagasabat sa mga nagapanguna nga issue nga nakaapekto sa investment climate sang pungsod.
Ginaresolba man sini ang madugay na nga ginakabalak-an sang mga Japanese investor nga may kaangtanan sa value-added tax (VAT) refunds sa pag-exempt sa export-oriented enterprises sa pagbayad sini.
Nahibaluan nga ang Japan ang second-biggest trading partner sang Pilipinas, ang pinakadako nga ginakuhaan sini sang foreign direct investment, kag top provider sang highly concessional official development assistance.
Ang Japan man ang pinakadako nga investor sa economic zones sang Pilipinas nga may total investments nga nagabalor sang P578.75 billion.
