Ginapanugyan sang city administrator sang syudad sang Bacolod sa mga job order casuals nga magpadulong sa opisina sini agud mahibaluan kun nalakip ang mga pangalan sang mga ini sa nakalista nga mga JO’s sang syudad.
Sa interview sang Bombo Radyo Bacolod kay Atty Pacifico Maghari, may yara sang executive order nga ginpagwa ang alkalde sang syudad sang Bacolod nga indi magpasugot ang mga department heads nga may maduty sa ila nga masobra sa allotted nga mga job orders bangud makalulu-oy lang man nga indi maswelduhan.
Suno kay Maghari, ang mga job orders ang dapat magsecure sang appointment sa mga department heads.
Ginpahayag man sini nga 3,500 lamang ka mga job orders ang ginpahanugutan sang syudad bangud ginpaigo lamang ang nabilin nga budget.
Suno diri kun sa city health office nagaduty ang JO ang city health officer ang mahatag sang appointment diri.
Ginpahayag man sini nga wala sang appointment kag ID ang JO indi nalang magduty bangud indi man sila maswelduhan sang accounting sang syudad.
