400 tanan nga mga job orders sa syudad sang Bacolod sa ginpatigayon nga cost cutting sang Bacolod City Government.
Sa interview sang Bombo Radyo Bacolod kay Atty. Romeo Carlos Ting Jr, ang cost cutting ang bangud sa budget constraint.
Suno kay Ting, kun pila ang budget sang syudad para sa mga job orders amo lang ini ang paiguon.
Ang trabaho sang job orders ang mangin apat ka oras nalang kada adlaw ukon 20 ka oras nalang kada semana apang nakadepende man ang ila nga scheduling sa departmento kun sa diin ang mga ini nagatrabaho.
Nakapagwa naman ang syudad sang memorandum angot sa cost cutting agud nga mapahibalo sa mga job orders.
Tubtob sa bulan pa sang Setyembre ang cost cutting kag magadepende naman sa masunod nga evaluation kun pila gid ang budget sa job orders.
Ginpahayag sang alkalde sang syudad sang Bacolod nga ang mga job orders nga wala nagatrabaho ang pagasakson.
Suno kay Bacolod City Mayor Alfredo “Albee” Benitez, ang mga job orders nga nagapili sang ubra, wala nagaubra kag wala nagareport ang kakason na sa ila area of assignment.
Suno kay Benitez, ang desinyo sang ila ginahimo sa karun ang agud nga masiguro nga ang mga job orders nga nagatrabaho sang insakto.
Gin-athag man sini nga wala ini ginhimo bangud sa pulitika ukon indibidwal nga interests kundi ini ang bangud sa requirement sang syudad.
