UKRAINE — Indi magnubo sa 71 ka mga kabataan ang napatay kag masobra 100 ang napilasan sa Ukraine humalin sang naglunsyar si Russian President Vladimir Putin sang gyera sang Pebrero 24, suno sa isa ka Ukrainian parliament official.
Ang toll ang gin-anunsyar matapos ang pagpangbomba sa isa ka children’s hospital sa Mariupol sang Miyerkules nga nagpatay snag tatlo ka mga persona lakip na ang isa ka bata nga babaye.
Suno kay Lyudmyla Denisova, point person on human rights sang parliament, humalin sang nagsugod ang Russian invasion tubtob Marso 10, 71 ka mga kabataan na ang napatay kag masobra 100 ang napilasan.
Ang ospital nga ginbombahan ang nahamtang sa Mariupol, is aka southeastern port sa Ukraine, nga sa karun gina-invade sang Russian troops kag pro-Russian separatists nagikan sa Donbas region sang eastern Ukraine.
Suno sa mga sources, 17 ka mga adults ang napilasan bangud sa pagpangbomba.
Sa Malyn, nakatungdan nga bahin sang Zhytomyr region, tatlo ka mga kabataan kag duha ka iban pa ang napatay sang pito ka mga pamalay ang naguba bangud sa air strikes suno kay Denisova.
Sang Miyerkules sang gab-i, duha ka mga babaye kag tawo ka mga kabataan ang napatay sa shelling nga nag-igo sa Slobozhanske, isa ka banwa sa eastern Izium region.
Sa Irpin, indi malayo sa capital nga Kyiv, isa ka napulo ka tuig nga bata nga babaye ang napilasan kag kritikal sa karun ang kondisyon sa ospital.
