Ginahulat sang utod sang taxi driver nga nabungguan sa Goldenfields Commercial Complex, Barangay Sincang, Bacolod City sang Sabado sang kaagahon ang mga kabataan sang biktima kun mapasaka sang kaso ang mga ini batok sa nagbunggo sa ila amay.
Sa interview sang Bombo Radyo Bacolod kay Regina Borbo Alcosaba, gin-athag sini nga ang ginhatag palang sang pamilya sang suspek nga si Miguel Jomarie Gialogo, 22 anyos, residente sang Barangay Tangub syudad sang Bacolod ang P50mil lamang kag ginakabig niya ini nga burial assistance.
Madumduman nga ang biktima ang ginkilala ang biktima kay Leonilo Borbon, 48 anyos kag residente sang Barangay Sum-ag.
Ginpahayag ni Regina Alcosaba, utod sang biktima, luyag sang Pamilya nga mahatagan sang desente nga lubong ang ila himata antes asikasuhon ang kaso.
Suno kay Alcosaba, ginahulat pa nga mag abot ang duha ka mga bata nga babaye sang biktima antes nga magadesisyon sa kaso.
Gina-athag man sini nga ang papeles nga iya nga ginpirmahan amo ang pamatuod nga nakahatag ini sang P50, 000.00 nga partial burial assistance apang sa pagpasaka sang kaso wala ini sang ginpirmahan bangud ang makadesisyon sini ang mga kabataan sang biktima.
