Nagpahanumdum ang Commission on Elections sa tanan nga kandidato nga likawan ang paghatag sang kwarta ukon maskin ano nga valuable items bilang rewards sa maskin kay sin-o sa isa ka event ukon competition subong nga campaign period para sa 2025 National and Local Elections (NLE).
Suno kay Garcia, wala sang malain kun ang isa ka kandidato ang magaserbi bilang isa ka judge sa isa ka beauty pageant kag iban pa nga kaangay nga mga kompetisyon apang ang paghatag sang monetary rewards sa mga participants ang lain nga issue.
Suno diri, sarang ang mga ini nga magjudge ukon magbutang sang korona kag sash apang ginadumilian nga sila ang maghatag sang maskin ano nga premyo, award ukon reward.
Suno diri, maskin ang mga botante nga magabaligya sang sila mga boto sa isa ka kandidato, sarang man nga mapasabat sa layi.
