Ginpahayag sang director sang Commission on Elections sa Negros Island Regional nga mahimo makasuhan ang mga kandidato nga wala nagasunod sa insakto nga pagpangtapik sang ila nga campaign materials.
Sa interview kay Atty. Lionel Marco Castillano, ang mga kandidato nga wala nagasunod sa husto nga pagpangtapik sang ila nga campaign materials ang padal-an sang sulat ukon notice sang COMELEC kag dapat ini ang i-acknowledge sang mga kandidato.
Suno kay Castillano, bisan indi ang kandidato ang nagpabutang sang campaign materials sa indi designated area, ang presumption, iya ini sang kandidato kag dapat ini ang ipakakas.
Suno diri, dapat kakson ukon ipakakas sang kandidato ang mga campaign materials nga nabutang sa indi designated areas kag kun magsige sige nga wala ini makakas ang kandidato ang mahimo mangatubang sang kaso nga paglapas sa Omnibus Election Code.
Ang instruction sang COMELEC sa mga ini amo nga kakson ang mga campaign materials nga nagatapik sa mga kahoy kag sa mga pampubliko nga lugar.
Nag-umpisa na kahapon sang aga ang operation baklas sa pagpangkakas sa mga posters kag campaign materials nga wala nagasunod sa guidelines.
Suno diri, wala ginapahanugutan ang tarpaulin nga masobra sa 2 by 3 feet, mga posters nga ginatapik sa mga taytay, waiting sheds, puno, kag poste.
