Naumpisahan na ang pagpapauli sa mga evacuees sang Canlaon City, Negros Oriental nga naapektohan sang paglupok sang bulkan Kanlaon.
Suno kay Canlaon City Mayor Jose Chubasco Cardenas, nakaumpisa na sila sa pagpapauli sa mga evacuees kahapon kasunod sa pagpapanaog sang alert level sang bulkan sa alert level 2.
Suno diri, 590 ka pamilya ukon masobra 1,400 ka mga indibidwal nga ginpapauli na nga nagapuyo sa 4-6km Extended Danger Zone apang may 47 ka pamilya ukon 147 ka mga indibidwal ang magapabilin sa evacuation centers bangod sila nagapuyo sa sulod sang 4km Permanent Danger Zone.
Amat-amat lamang ang pagpapauli sa mga pumuluyo sang apat ka brgy nga nahamtang sa sulod sang 4-6km Extended Danger Zone.
Samtang, may iban naman nga indi na luyag pa magpauli bangod kumportable na ang mga ini sa evacuation centers apang gina-ingganyo ang mga evacuees nga magpauli kag ipakay-o ang ila mga balay.
