Ginsuguran na sang Bacolod Police Station 9 ang preprasyon para sa pagsaulog sang kapiyestahan ni San Juan De Bautista sa magaabot nga Sabado, Hunyo 24 sa Barangay Punta Taytay.
Sa interview sang Bombo Radyo Police Captain Michael Tuburan, station commander sang Bacolod Police Station 9, nakapatigayion na sila sang meeting kahapon kaupod ang mga Barangay officials, resort owners kag Bacolod Traffic Authority Office kag sa karun ila na gina-finalize ang preprasyon.
Suno diri may yara sang patigayunon nga rerouting sa Sabado gani nagkoordinar na ini sa BTAO.
Nagrequest naman ini sang additional nga personnel nga iga-augment sa nasambit nga barangay kun sa diin kapin 30 tanan ka mag personnel ang magapatrolya sa Barangay humalin alas 6:00 sang aga.
Iga-estasyon ang mga personnel ilabi na sa lugar nga may yara sang madamo nga tawo.
Tatlo naman ka patrol car ang magalibot kag tag-duha ka personnel ang igabutang sa police assistance desk nga igahamtang sa tanan nga beach resort.
Panugyan ni Tuburan sa tanan nga luyag mag lagaw nga magpreparar nga mabasa sa Sabado kag antes bayaan ang tagsa ka panimalay, I-secure gid ini.
Dugang pa niya, likawan ang pag-inom sang makahulubog nga ilimnon kag paglangoy nga hubog.
