Nagpagwa sang memorandum ang pamunuan sang Negros Occidental Police Provincial Office (NOCPPO) agud nga magpahanumdom sa mga kapulisan nga indi magpalupok sang ila issued firearms sa pagsug-alaw sang bag-ong tuig.
Suno kay Negros Occidental Police Provincial Office spokesperson Police Captain Judesses Catalogo, nakapagwa na sila sang memorandum agud nga pahanumduman ang mga kapulisan agud malikawan ang indiscriminate firing incident.
Suno kay Catalogo, ginadumilian sa mga uniformed personnel ang illegal discharge sang ila issued firearms.
Suno diri, ang mga magahimo sini ang patigayunan sang imbestigasyon kag pasakaan ang mga ini sang criminal case.
Kasubong man nagapanawagan man ini sa mga civilians nga licensed gun owners nga indi magpalupok sang ila mga firearms sa pagsug-alaw sang bag-ong tuig bangud kun mapamatud-an nga naggamit ang mga ini mahimo nga kanselahon ang License to Operate andPossession of Firearms or LTOPF kag mahimo pa ang mga ini pasakaan sang kaso.
