May mga personnel nagikan sa Bacolod Police Station 7 nga gin-assign agud magbantay sang kalinong sa mga buluthuan nga nasakupan sang ila area sa plebisito.
Suno kay Police Captain Andy Ofalia, station commander sang Bacolod Police Station 7, sakop sang ila estasyon ang Mansilingan, Alijis kag Vista Alegre.
Suno kay Ofalia, tatlo ka mga buluthuan ang sakop sang ila estasyon kag may gin-assign nga duha ka mga personnel sa kada eskwelahan.
Suno diri, malinong kag organisado ang pagboto subong nga adlaw.
Ginatsekyar man kun may mga dala ang mga ini nga patalom ukon deadly weapon nga hugot nga ginadumilian.
Suno kay Ofalia, may yara sang tatlo ka mga patrol car nga nagalibot sa ila area of responsibility agud magtsekyar sang kalinong.
Nagapanawagan ini sa mga magaboto nga likawan ang mga ginadumilian nga butang kasubong man ang pagdala sang mga deadly weapons ukon armas.
