Magapabilin sa tagsa ka designated area of reponsibilities ang mga kapulisan nga gindeploy sa mga lugar nga apektado sang paglupok sang bulkan Kanlaon.
Sa interview sang Bombo Radyo kay Police Capt. Judesses Catalogo, tagpamaba sang Negros Occidental Police Provincial Office, masobra sa 500 ka personnel ang ginpadala sa banwa sang La Castellana, ciudad sang La Carlota, kag ciudad sang Bago kag iban pa nga lugar nga apektado.
Suno diri, sila ang yara sa idalum sang supervision sang hepe sang tagsa ka lugar kun diin sila nadesignar.
Magluwas sa peace and order, ang mga pulis ang nagabulig man sa pag-evacuate sa mga tawo kag pagserbisyo sa mga evacuees.
Pahayag ni Catalogo, tubtob nga indi mapanaog ang alert level sang bulkan Kanlaon, indi pa makapauli ang mga kapulisan.
