Preparado na ang mga kapulisan sa banwa sang Isabela, Negros Occidental subong nga Semana Santa.
Sa advisory sang Local Goverment Unit sang Isabela, ang tanan nga luyag nga magbisita sa Glory Hill kinahanglan nga magparehistro online kag sa wala sang access sa internet mahimo man sila makaparehistro mismo sa Glory Hill.
Sa interview sang Bombo Radyo Bacolod kay Police Captain Ar Jay Dangarang, chief of police sang Isabela Municipal Police Station, nakahanda na ang mga kapulisan sang banwa agud nga maghatahag sang seguridad sa linibo ka mga tawo nga magabisita sa Glory Hill.
Suno kay Dangarang, preparado na ang deployment sang mga ini kag nagbutang man sila sang police assistance desk.
Suno diri, ara man ang katapo sang Philippine Army agud magbantay kag magapabilin sang kalinong kag katawhay sa lugar.
Nagpanugyan man si Dangarang sa tanan nga magpadulong sa nasambit nga lugar nga likawan nga magdala sang mga matalom nga bagay kag iban pa nga ginadumilian nga mga pagkabutang.
Suno pa diri, ginalauman sa karun ang pagdugok sang mga tawo bangud sang mga tinalikdan nga tuig wala sang nagasaka diri bangud man sa restrictions sang COVID-19 pandemic.
Ang simbahan sang Isabela ang may yara man sang mga kapulisan nga magabantay diri.
