Ginpasiguro sang commander sang Bacolod City Mobile Force Company nga sila preparado sa pagdeploy sang police personnel para sa Masskara Festival 2023.
Sa interview sang Bombo Radyo kay Police Lt Col Ronnie Brillo, kapin sa 1,200 ang gindeploy nga police personnel para sa Masskara Festival samtang may ginalauman pa nga augmentation naggikan sa Bureau of Fire Protection, Regional Mobile Force, Negros Occidental Police Provincial Office kag Disaster Risk Reduction and Management.
Suno diri, ginalauman na ang pag-abot sang first batch sang augmentation force nga kapin 500 ka mga personnel sa Oktubre 12.
Sila ang igadeploy sa mga areas nga may madamo sang tawo.
Pahayag ni Brillo ang mga ideploy ang hatagan sang buddy system kun sa diin ang duha ka personnel ang magkaupod nga naga-operate.
Ini bisan nagapungko lang ang police personnel dapat nga nagascan ini sa area ilabi na sa mga suspek sang pick-pocket.
Mensahe ni Brillo, ang Bacolod City Police Office nagatinguha nga mangin matawhay kag malinong ang selebrasyon sang Masskara Festival kag nagpanugyan man ini sang kooperasyon gikan sa mga pumuluyo nga magreport sang gilayon kun may matabo nga insidente.
