Aprubado na sang Negros Occidental Police Provincial Office ang pagpakigbahin sini sa “Dugong Bombo: a little pain, a life to gain” blood letting activity sang Bombo Radyo kag Star FM sa maabot nga Nobyembre 18, 2023.
Domingo sang aga, nagpadulong ang Bombo Radyo Bacoldo sa NOCPPO para sa signing sang Memorandum of Agreement.
Sa interview sang Bombo Radyo kay NOCPPO Director Police Col Leo Pamitan, gina-ingganyo sini ang tanan nga police personnel sang Negros Occidental kag ang tagsa nga makigbahin sa blood letting activity.
Suno diri, ang pagpakuha sang dugo makahatag sang benepisyo sa lawas, dugang pa nga pamaagi sini mabuligan man ang nagakinahanglan sang dugo.
Ang Dugong Bombo patigayunon sa City Mall Mandalagan sa Nobyembre 18 halin alas-8:00 sa aga tubtob alas-5:00 sa hapon.
