Nagpahanumdum ang tagpamaba sang Police Regional Office 6 sa mga kapulisan nga hatagan pagtamod ang pagpaandam ni PNP Chief General Guillermo Eleazar nga dapat mangin neutral kag wala sang suportahan nga kandidato.
Sa interview sang Bombo Radyo kay Police Lt. Arnel Solis, ginpahayag sini nga wala dapat sang dampigan nga kandidato ang isa ka pulis maskin himata pa niya ini.
Suno kay Solis, santo sa mando sang PNP chief, dapat nga neutral gid sa pagperform sang trabaho sang isa ka personnel.
Suno diri, kun may makit-an nga isa ka miyembro sang PNP nga nagasuporta sa isa ka kandidato, hatagan ini sang warning kag pauntaton.
Posible man suno sa iya nga igasaylo ang ila assignment.
Samtang, nangin matawhay naman ang flow sang filing sang certificate of candidacy sa mga opisina sang COMELEC kag humalin sang ginpatuman ang gun ban, wala pa sang may nadakpan nga naglapas sa PRO6.
