Preparado na ang Police Regional Office 6 sa pagbantay sang mga patyo sa tigkalalag matapos ang mando sang national inter-agency task force nga pagsirado sini humalin Oktubre 29 tubtob Nobyembre 2.
Sa interview sang Bombo Radyo kay PRO6 Spokesperson Lt. Col. Arnel Solis, ginpahayag sini nga nag-adjust na ang deployment sang mga pulis santo sa patakaran sang iban nga local government units (LGU).
Suno diri, magadepende sa LGU kun san-o sila magabukas.
Magadeploy naman sang mga kapulisan antes ang Oktubre 29 kag pagkatapos sang Nobyembre 2 kun sa diin ginalauman nga magakadto ang mga tawo sa patyo.
Suno kay Solis, indi lamang sa mga patyo igadeploy ang kapulisan kundi subong man sa mga terminals kag police check points.
Nagpanugyan man ini nga sa sulod lamang sang pamilya ginapahanugutan ang halloween party kag dapat ginapatuman ang health protocols.
