Nagapadayon ang imbestigasyon sang Bacolod Police Station 9 agud nga matumod ang suspek nga nagsulod sa isa ka balay nga may grocery store sa Purok Santan, Barangay Cabug, ciudad sang Bacolod, kahapon.
Sa interview sang Bombo Radyo Bacolod kay Police Captain Michael Tuburan, station commander sang Bacolod Police Station 9, nagtawag sa Police Station 9 ang tag-iya sang grocery store nga sila ang nakawatan.
Suno kay Tuburan, nakuha sang mga kawatan ang P5,000 nga cash kag ginabanta nga P30,000 nga balor sang grocery items.
Ginpahayag sang station commander nga blanko pa sila sa may kahimuan sang pagpangawat bangud wala man sang available nga cctv footage sa nasambit nga lugar.
Suno diri, wala pa sila sang persons of interest kag nagapakig-angot pa sila sa tag-iya sang grocery agud mahibaluan kun may yara na ang mga ini sang ginalantaw nga may kahimuan sang krimen.
Sa karun, ginpabutangan na sang police patrol ang area malapit sa ginkawatan nga grocery store.
