Pwersa nga pahalinon sang Bacolod City Legal Office Enforcement Team ang mga nabilin pa nga nagabaligya sa vendors’ plaza kag mga kaiping nga lugar nga sakop sa ginkudalan sang SM Prime para sa redevelopment project sang Manokan Country.
Ini matapos nga may pila pa ka mga nagabaligya sa lugar kaangay sang karenderya.
Suno kay Bacolod City Legal Officer Atty. Romeo Carlos Ting Jr., may demand letter na sadto nga ginpapanaog batuk sa mga nagapanag iya sang negosyo sa lugar apang wala sa gihapon naghalin tubtob karon.
Nagpaandam si Ting nga sirad-an ang lugar kag indi na pagbutangan sang alagyan ang ila customer sa maabot nga Lunes.
Magahinun-anon pa si Bacolod City Mayor Alfredo “Albee” Benitez ang pag desisyon kon maghatag sang financial assistance sa mga ma apektuhan nga mga negosyo bangud indi man ang mga ini qualified para mahatagan sang relocation.
