Ginkalipay sang alkalde sang banwa sang Moises Padilla nga nadismiss na ang duha ka kaso batok sa iya kag sa iya bana.
Tuig 2017 sang nag-agi sa checkpoint sang Moises Padilla Municipal Police Station ang mag-asawa kag nakita sa sulod sang ila salakyan ang armas-luthang kag granada.
Ginpasakaan sang kaso ang mag-asawa nga illegal possesion of firearms kag illegal possesion of explosives.
Nagpanindugan ang mag-asawa nga planted ang natabo apang sila napreso sa sulod sang walo ka bulan kag nakagwa sang ini nakapiyansa.
Ginpatawag sang Biyernes ang mag-asawa sang Regional Trial Court (RTC) Branch 46 kag sila ginsugiran nga nadismiss na ang ila nga kaso.
Samtang, ang mga kapulisan naman nga nagduty sa checkpoint ang nadismiss na sa serbisyo.
Sa interview sang Bombo Radyo kay Moises Padilla Mayor Ella Yulo, ginkalipay sini nga opisyal na nga wala na sila sang kaso kun sa diin dako nga tunok ang nakuha sa ila.
Suno diri, madamo sang naagyan ang ila pamilya apisar nga planted lang ang natabo.
Pahayag ni Yulo, nagapangamuyo ini kag nagapangayo sang bulig nga mapasensya ang mga tawo nga nagplano sini sa ila.
