Duha ka katapo sang media ang nagboto sa opisina sang Commission on Elections Bacolod kadungan sang local absentee voting.
Suno kay Bacolod City Election Officer Atty. Revo Sorbito, tatlo ka empleyado sang DILG, kag duha ka empleyado sang Comelec ang nagboto sa ila opisina.
Natapos naman ang mga personnel sang Bureau of Fire Protection sa pagboto samtang may pila ka personnel sang Negros Occidental Police Provincial Office nga nagboto pa subong nga adlaw.
Kahapon, nag-ocular inspection ang Comelec sa Bacolod City Government Center kun sa diin patigayunon ang canvassing sang boto agud nga mahandaan ang seguridad.
Nag-abot naman ang balota para sa Bacolod apang ginpaidalom na ini sa kustodiya sa City Treasurer’s Office.
Suno kay Sorbito, handa na sila para sa eleksyon apang may final briefing sa mga poll workers subong nga Biyernes kag sa Mayo 4 agud mahatag ang mga reminders angot sa pagaubrahon sa eleksyon.
