Nagaupod man ang National Union of Journalists of the Philippines (NUJP)- Bacolod chapter sa pagdumdum sa ikanapulo nga anibersaryo sang Maguindanao massacre.
Suno kay Marchel Espina, chairperson sang NUJP- Bacolod chapter, may yara sang tribute sa Negros press club building sa San Juan St. Bacolod City, subong nga hapon kag pagasundan sang pagsindi sang kandila kag paghalad sang pangamuyo sa Marker for Fallen Journalists sa Public Plaza.
Tinutuyo sini ang pagpanawagan sang hustisya sang mga biktima sang ginkabig nga worst election related violence sa recent Philippine History kag pinakamalala nga pag-atake sa mga journalists.
Madumduman nga ang maka-silidni nga krimen ang natabo sadtong Nobyembre 23 tuig 2009 kun sa diin may yara 58 ka mga persona ang ginpatay.
32 sa mga ini ang mga journalists kalakip na ang Chief of reporters sang Bombo Radyo Koronadal nga si anay Bombo Bart Maravilla.
Napulo na katuig ang nakaligad apang wala sa gihapon nahatagan sang hustisya ang kamatayon sang mga biktima.
