Yara na sa kustodiya sang Indonesian authorities ang duha ka companion ni dismissed Bamban, Tarlac Mayor Alice Guo.
Suno kay Interior and Local Government Secretary Benhur Abalos, nakabaton ini sang report gikan kay Philippine National Police chief Police General Rommel Marbil nga ang duha sini ka upod ang naka-detain na sa Indonesia.
Ang duha ka naaresto ang ginkilala nga sanday Cassandra Li Ong kag ang utod ni Alice Guo nga si Shiela.
Magabiya na kuntani ang duha sa Indonesia sang sila ang na-intercept sang local authorities kag sa karun ginalauman nga sila ang mapabalik sa Pilipinas.
Sa karun, padayon ang pag-conduct sang manhunt operations para madakop si Alice Guo nga ginapatihan nagapanago sa Batam, Indonesia.
Sa mahibaluan si Ong ang authorized representative sang Philippine Offshore Gaming Operator (POGO) nga gin-raid sa Porac, Pampanga.
Ang pangalan ni Alice Guo ang yara sa lista sang immigration lookout bulletin kasunod sa imbestigasyon sang iya matuod nga identity kag koneksyon sa illegal POGO activities sa Bamban.
