Ginahulat pa sang Sagay City Police Station ang report sang team sang Scene of the Crime Operation (SOCO) sa nagluntad nga akisidente nga pagluthang sang pito ka tuig nga bata sa amay sini nga aktibo nga katapo sang Philippine National Police sa sa Purok Eba, Brgy Andres Bonifacio, Sagay City, Negros Occidental, kahapon, Abril 27.
Sa interview sang Bombo Radyo Bacolod kay Police Lt Col. John Mocyat Jr, ang mga kaupod sang biktima sang nagluntad ang insidente ang ginpaidalom sa paraffin test samtang ang bangkay ni Police Staff Sergeant Lernie Alacha, 44 anyos, ang ginpaidalom man sa autopsy kag sa karun ginahulat pa ang resulta sang nasambit nga tests.
Suno kay Mocyat ang bata nga pito katuig nga ginapahayag nagluthang sa biktima ang i-endorso sa Department of Social Welfare and Development (DSWD) kag ini ang igapaidalom sa counselling.
Suno diri, hulaton nalang ang resulta sang report ang SOCO kag sang paraffin kasubong autopsy agud mahibaluan kun ano gid ang natabo.
Nagpasalig man si Mocyat nga maayo ang mga performance sang mga kapulisan sa Sagay City Police Station.
