Mahimo na nga makabutang sang ila nga mga kiosko ang brand sponsors sang Masskara Festival 2024 sa dalan Lacson sumugod kahapon bangud ini ang nakabutang sa ila nga permit.
Sa interview sang Bombo Radyo Bacolod kay Bacolod Traffic Authority Office Deputy Head Jose Antonio “Jojo” Robello, makapatindog na ang mga sponsors sang ila nga kiosko sa dalan Lacson apang depende na sa mga ini kun san-o ma-umpisa.
Suno kay Robello, ginpahayag sang organizers nga sa Biyernes pa magasugod ang Lacson Tourism Strip kun sa diin anum ka mga stages sang dalagko nga sponsors ang ipahamtang.
Pahayag sini nga ang road closure ang halin sa BS Aquino padulong sa South Capitol Road.
Dugang pa sini ang traffic plan ang identical sang nakaligad nga tuig kun sa diin sa full road closure ang BS Aquino Drive ang one way padulong sa norte samtang ang Gatuslao St. ang padulong sa sur samtang amo sa gihapon ang sa San Juan St.
