Mga kondisyon nga ginset sang kampo ni former President Duterte para sa reconciliation, ginreject ni President Bongbong Marcos

Ginreject ni President Ferdinand “Bongbong” Marcos Jr. ang mga “conditions” nga ginset sang mga kaalyado ni former President Rodrigo Duterte agud magreconcile ang duha ka pamilya.

Suno kay Marcos, dapat wala sang kondisyon sa matuod-tuod nga reconciliation.

Una na nga ginpahayag sang mga kaalyado ni Duterte nga dapat pabalikon anay ni Marcos si Duterte sa Pilipinas agud mapamatud-an nga seryoso ini sa iya political reconciliation.

Apang nagpabutyag si Marcos sang willingness nga magpungko kag mag-istorya sa kampo sang mga Duterte agud makay-o ang naguba nila nag relasyon.

Suno sa Presidente, kun sincero ang isa ka persona nga magreconcile, dapat ini ang pungkuan kag istoryahan sang maayo.