Ginpahayag sang mga pinuno sang House of Representatives nga wala sa karun sang paghinun-anon sa mga administration lawmakers natuhoy sa impeachment complaints nga ginfile batok kay Vice President Sara Duterte.
Suno kay House Deputy Majority Leader Paolo Ortega V, wala nila naistoryahan ang natuhoy sa pagsuporta sa impeachment complaint.
Suno diri, ang duha ka mga complaints ang yara pa sa karun sa Office of the Secretary-General kag wala pa napadala sa Speaker.
Gin-echo naman ni House Quad Committee Lead Chairperson Ace Barbers sang Surigao del Norte ang mga pahayag ni Ortega kag gin-emphasize nga nagafocus sa karun ang Kamara sa iban nga mga prayoridad lakip na ang mga imbestigasyon natuhoy sa drug war deaths sa administrasyon ni former President Rodrigo Duterte, mga krimen nga naangot sa Philippine Offshore Gaming Operators (POGOs) kag pag-imbestiga sa budget sang Office of the Vice President.
