Ginmanduan sang Department of Interior and Local Government (DILG) ang mga LGUs nga timprano pa nga magpatigayon sang evacuation sa mga pumuluyo nga ginalauman nga maapektuhan sang Bagyo Uwan.
Ini kasunod sang pagkusog pa sang nasambit nga bagyo samtang yara sa sulod sang Philippine Area of Responsibility.
Hingyo sang DILG sa mga local government units nga gilayon nga suguan ang pagpatigayon sang pre-emptive evacuation sa mga pumuluyo nga nagaistar sa mga komunidad nga ginalauman direkta nga malabyan sang bagyo ilabi na sa mga coastal areas.
Abiso sang ahensya, dapat nga makumpleto na ang pre-emptive ukon mandatory evacuation sa high risk-communities antes ang Nobyembre 9.
Nagpahanumdum man ang DILG sa publiko nga magresponde sa apelasyon sang mga LGU kag local disaster agencies.
