Nagaproblema sa karun ang mga Local Government Units (LGU) nga may mga evacuees bangud sa paglupok sang Bulkan Kanlaon bangud temporary nga natapos ang hot meals subsidy sang provincial government sang Negros Occidental.
Sa interview sang Bombo Radyo Bacolod kay Office of Civil Defense Negros Island Region Director Donato Sermeno III, natapos na temporaryo ang hot meals subsidy ukon community sang provincial government apang nagaproblema ang mga LGUs nga ginalakipan sang ciudad sang La Carlota, Bago City kag banwa sang La Castellana kun sa diin ang pagakuhaon ang pagkaon sang mga evacuees bangud wala pa nakaabot ang Quick Response Fund nagikan sa national government.
Suno kay Sermeno, ginafollow-up naman nila ni OCD 6 Director Raul Fernandez ang ila nga financial requests nga nagahulat nalang sang approval.
Suno diri, ang kada LGU nga may evacuees ang magahatag sang budget para sa pagkaon sang mga ini.
Sa karun ginahulat pa ang Quick Response Fund agud nga may gamiton para sa kinahanglanon sang mga evacuees nga nagapabilin sa evacuation center sa sulod sang tatlo na ka bulan humalin sang paglupok sang Bulkan Kanlaon sang December 9, 2024.
Samtang ang Department of Social Welfare and Development (DSWD) sa paghatag sang mga foodpacks para sa mga evacuees.
Suno kay Sermeno, wala pa sa karun nahibaluan kun tubtob san o ang mga evacuees nga nagapuyo sa sulod sang 6kms danger zone nga magapabilin sa evacuation center.
