Nagkasugot na ang mga pinuno sang Thailand kag Cambodia sa isa ka ceasefire sang Lunes, matapos ang lima ka adlaw nga maduguon nga gyera sa tunga sang duha ka pungsod sa sulod sang isa ka dekada.
Natabo ang kasugtanan matapos ang meeting sa Malaysia nga ginpangunahan ni Prime Minister Anwar Ibrahim nga amu sa karun ang ASEAN Chair, kun sa diin lunsay nagpromisa ang mga ini nga untaton ang gyera kag ibalik ang direkta nga komunikasyon.
Suno kay Anwar, nangin maayo ang ila meeting kag ang resulta sini kag sila ang nagalaom sang gilayon nga pag-untat sa gyera nga gintunaan sang pagkadula sang madamo nga kabuhi, pagkapilas sang mga sibilyan kag displacement sang mga pumuluyo.
Suno kay Cambodian Prime Minister Hun Manet, ila ginakalipay ang nangin resulta sang paghinun-anon kag nagpromisa sa pagbalik sa normal sang bilateral relationship sini sa Thailand.
Ginpahayag naman ni Acting Thai Prime Minister Phumtham Wechayachai nga apisar may pagduda ini, handa ini nga tumanon ang ceasefire “in good faith.”
