Mga lugar nga nagdeklarar sang State of Calamity bangod sa epekto sang mga Bagyo kag Habagat, nadugangan

Nadugangan pa ang numero sang mga lugar sa pungsod nga nagdeklarar sang State of Calamity bangud sa epekto sang Bagyo Crising kag Habagat.

Sang Miyerkules, Hulyo 23, gindeklarar na sang Meycauayan City, Bulacan ang state of Calamity.

Kahapon, gindeklarar man ang state of calamity sa ciudad sang Marikina.

Suno kay Marikina Mayor Maan Teodoro, tinutuyo sang pagdeklarar sang state of calamity ang mapadasig ang pagpanagtag sang bulig sa mga apektado nga residente.

Magluwas sa nasambit nga lugar, nagdeklarar man sang state of calamity ang Cainta, Rizal; Calumpit, Bulacan; ciudad sang Maynila; Quezon City; Malabon City, Dagupan City kag Cavite.