Aminado ang Human Rights Lawyer nga kinahanglan magtuon sang maayo sang mga Senate members kun paano ang husto nga pagpadalagan kag pagdesisyon sa pagconvene bilang Impeachment Court sa impeachment case ni Vice President Sara Duterte.
Sa interview sang Bombo Radyo Bacolod kay Atty Cesar Beloria, nagalaom ini nga bilang Presiding Officer, nagatuon naman sang maayo si Senate President Vicente “Tito” Sotto III ilabi na nga ini ang indi isa ka abogado.
Ginalauman na suno diri ang paghire sang battery of lawyers ukon law firms sang prosecution kag defense.
Pahayag sini, nga may-ara sang rules of court para sa impeachment, kag nagapati ini nga napadala na ini sa tagsa ka mga Senador agud nga matun-an, partikular na sang mga Senador nga indi abogado.
Apang isa sa pahanumdom sini sa mga Senador nga kaalyado ni VP Sara nga likawan anay ang pagpagwa sang mga statements nga nagapakita na sa kun ano ang ila mangin boto, agud malikawan nga sila ang ma-subject sa inhibition.
Pahanumdom ni Beloria nga ang mga Senador ang magapungko nga hukom ukon judges, gani sila ang dapat nga impartial kag wala sang bias.// Suno diri, ang pagboto ang dapat nakabase sa mga ginpresentar nga ebidensya.
Apang indi naman suno diri matago nga numbers game ang matabo.
Pahayag ni Beloria nga maathag na kun diin magaboto ang mga pro-Duterte nga Senador, gani ang balantayan na lamang sa Senate Impeachment trial amo ang boto sang mga Senador nga nagahipos-hipos kag nagaplaying safe lamang.
