10 ka mga manok ang nasapwan nga patay kag wala sang dugo sa Barangay Tinampa-an ciudad sang Cadiz, Negros Occidental, kahapon.
Sa interview sang Bombo Radyo kay Manot Java, tag-iya sang mga manok, pito ka mga manok sini ang nasulod sa kurong samtang ang lima ang yara lamang sa gwa.
Nahimo pa nila nga mabuburan ang mga manok kahapon sang kaagahon apang sang liwat nga gintsekyar ang mga manok ila na lamang ginkakibot nga nagalapta na ang mga ini kag wala na sang kabuhi.
Iban sa mga manok ang wala na sang kasudlan kag wala sang dugo.
Nakit-an man nga may marka sang kinagtan ang mga ini.
Dako man nga katingalahan sa ila amo nga nahimo pa nga makuha ang mga manok sa sulod sang kurong bisan nga sirado kag mataas ini.
Napulo ka mga manok ang nakita nga wala na sang kabuhi samtang missing naman ang duha.
Una nila nga ginpatihan nga mga kasapatan ang naghimo sang pagpamatay apang indi man mahimo sang sapat nga buksan ang kurong, kuhaon ang manok kag liwat nga sirad-an ang kurong.
