Indi man pabor ang mga manugbaligya sa Burgos Public Market sa plano sang Bacolod City government nga ipaswab test ang mga vendors.
Nahibaluan nga ginahitso na sang city government ang sistema agud mapatigayon ang swab testing sa mga public market vendors.
Sa Interview sang Bombo Radyo Bacolod kay Neneng Dela Paz sang Barangay Handumanan, indi sila magpasugot sa swab testing bangud madamo ang maapektuhan sa tion nga may yara sang magpositibo sa COVID-19.
Suno diri, kun may isa sa ila nga magpositibo nga asymptomatic ang tanan kag isa sila sa madalasa kag siraduhon naman ang merkado para sa disinfection.
Nagpanawagan naman sila sa Local Government Unit (LGU) sang Bacolod nga magpangita nalang sang iban nga tikang agud nga matapna ang paglapta sang COVID-19 sa syudad.
Nagpasalamat man ini bangud nagnegatibo ang duha niya ka kabataan nga nagpakigabahin sa mass testing nga ginpatigayon sa syudad sang Bacolod.
