Gin-athag sang manugbaligya sang palupok sa reclaimation nga may ginakompleto pa sila nga rekisitos antes nga makadisplay kag makabaligya sang ila produkto.
Sa interview sang Bombo Radyo Bacolod kay Melchor Dariada, 63 tanan ka mga stalls ang ginpatindog sa reclaimation area bangud 63 man tanan ang ila nga miyembro.
Suno kay Dariada, nacomply na nila ang mga requirements sang Bureau of Fire Protection agud nga makabaligya sa reclaimation area sang palupok magluwas nalang ang pagbayad sang Official Payment.
Ginpahayag man sini nga sa Disyembre 15 pa sila nga makaumpisa sa pagbaligya bangud ginakumpleto pa nila ang mga papeles kag magabayad pa sila sang official payment.
Gin-athag man sini nga mga magagmay lamang nga mga palupok kaangay sang tri-star ang ila mahimo ibaligya.
Ginpasiguro man sini ang tanan nga requirements ang ila nga gincomply agud nga masiguro nga safe ang pagbaligya sang mga ini sang palupok kag indi na mahimo nga madugangan ang 63 ka mga stalls bangud mangin magagutok na ini.
Ginalantaw nga magaumpisa ang mga manugbaligya sang palupok sa pagbaligya sa Disyembre 15 tubtob Disyembre 31
