Nagalaom ang grupo sang mga manunudlo nga mapatemprano ang pagrelease sang honoraria para sa mga nagserbe sa naglabay nga May 12 Midterm Elections.
Sa interview sang Bombo Radyo Bacolod kay Grace Abellar, secretary general sang Alliance of Concerned Teachers – Negros Occidental, ginpahayag sang Commission on Election – Bacolod City nga line of 20s pa mapanagtag ang honoraria para sa mga nagserbe sa eleksyon bangod may gin-asikaso pa nga importante sa manila si Bacolod City Election Supervisor Atty Revo Sorbito.
Nahibaluan nga sa idalom sang Election Service Reform Act, kinahanglan nga mahatag ang honoraria sa sulod sang 15 ka adlaw matapos ang eleksyon.
Ginapasalamat naman sang mga ini ang nadugang nga tatlo ka libo sa ila nga honoraria nga ginalakipan sang accross the board nga P2,000 kag ang ulihi nga pronouncement ni President Ferdinand “Bongbong” Marcos Jr nga dugang nga P1,000.
Dako nga papel diri ang effort sang ACT Partylist nga amo ang nagduso sang dialogo sa COMELEC.
Ang mga nagserbe nga Election Registration Board ang makabatun sang P11,000 samtang P13,000 naman ang sa Election chairman.
Apang suno kay Abellar, ang nadungan nga balor ang kalabanan magakadto lamang sa tax nga 15 percent.
Ini ang mas ginpanubo na bangod nakaligad nga eleksyon, nagdangat sa 20 percent ang tax sa ila nga honoraria.
Suno kay Garcia, isa kuntani sa ila panawagan nga mahatagan sang tax-exemption ang honoraria sa mga magaserbe sa eleksyon, apang ang ila nga request ang ginveto sang Presidente.
