BACOLOD CITY — Nagpasugot na ang mga manunudlo sa Bacolod nga magserbe sa electoral board sa Barangay and SK Elections sa Mayo 14.
Ini matapos nga nagsapol si Alliance of Concerned Teachers – Negros Occidental chairman Gualberto Dajao kay Bacolod City Election Officer Atty. Mavil Majarucon-Sia agud istoryahan ang pila ka mga concerns.
Sa interview sang Bombo Radyo, ginpahayag ni Dajao nga ginpasalig siya ni Sia nga ipalab-ot sa Comelec central office ang ila mga sentimyento.
Apang nag-apela ini nga magaserbe lang anay ang mga manunudlo sa adlaw sang piniliay.
Nahibaluan nga nagahingyo ang grupo nga kuntani magabulig man ang Comelec sa tion nga malakip ang maestra ukon maestro sa election protest sang isa ka kandidato bangud magluwas nga ini ang huol, dako pa ang magasto.
Atrasado man suno kay Dajao ang paghatag sang ila honorarium sa tion sang eleksyon.
Nagahingyo sila nga kuntani ihatag ang katunga sang honorarium antes ang adlaw sang piniliay kag katunga naman kun matapos na.
Nagaayo man ang grupo nga himuon nga pito ka adlaw ang service credits sang mga manunudlo sa baylo nga lima lang ka adlaw.
Apang gin-athag sini nga sa tion nga may makit-an nga bayolasyon sa seguridad sang mga manunudlo, sila ang maga-backout.
