Wala pa nakabaton sang sweldo ang mga manunudlo nga nagserbe bilang electoral board sa natapos nga Barangay and Sangguniang Kabataan Elections sa 11 ka mga banwa kag ciudad sa probinsya sang Negros Occidental.
Ini ang ginalakipan sang banwa sang EB Magalona, ciudad sang Victorias, banwa sang Valladolid, ciudad sang La Carlota, banwa sang La Castellana, banwa sang Moises Padilla, ciudad sang Himamaylan, banwa sang Candoni, Cauayan, Hinoba-an, kag ciudad sang Bacolod.
Suno kay Negros Occidental Provincial Election Supervisor Atty. Ian Lee Ananoria, mahimo nga may cash advances ang mga opisina sang Commission on Elections sa nasambit nga LGU nga wala pa maliquidate ukon wala pa mabaton sang central office sang komisyon ang liquidation.
Apang ginpahayag man ni Ananoria nga mahimo sa Miyerkules mabaton naman sang mgan manunudlo sa nasambit nga mga LGUs nga nagserbe sa Barangay and Sangguniang Kabataan elections sang Oktubre 30 ang ila nga honoraria.
Suno sa provincial election supervisor sang Negros Occidental nga santo sa ruling sang COMELEC ang mga manunudlo nga nagserbe sa piniliay ang dapat mabayaran sa sulod sang 15 ka adlaw matapos ang pagpatigayon sang eleksyon.
Nahibaluan nga ang mga manunudlo nga nagserbe sa election bilang electoral board ang makabaton sang P10,000 ang chairman samtang ang members ang makabaton sang P9,000.00.
